Les mots surlignés font l'objet d'une note
1Monsieur, jay receu au jourdhuy 13e de ce moys vostre lettre du VIIIe et
2en avoir receu deulx aultres du XIXe et du XXIXe du passé et
3dicy en la ne fauldray vous faire entendre la reception et la dacte. Jay
4veu ce que mescripvez et quelque chose que mayt esté escript parcy
5devant comme je vous ay jà mandé. Je navoys mandé la compaignye
6se trouver à XVIII-85, XVIII-136, que au XXe pour les soulaiger en tout
7ce que je pourray, comme je desireroys aussy soulaiger ceulx du lieu,
8lesquelz ont esté icy à moy deulx ou trois foys, me remonstrant leur
9pauvreté et pour estre exemptez, sil estoict possible ; je leur ay
10dict quilz se retyrassent à vous et que silz vouloyent, je vous en
11escriproys. Je ne scay silz y seront allez, mais je vous asseure quil
12y a bien de la pauvreté et une extreme chereté pour estre sur
13le passsaige du grand chemin ; et quand ad ce que le roy vous mande
14les faire payer de gré à gré, vous scavez que ce mot emporte beaucoup
15et de longue main, mesmes estantz payez comme ilz sont ; ensemble
16que le roy vous en laisse la congnoissance, puisque il mect ce mot
17de gré à gré, car ce ne sera pas au gré du gendarme sil
18na de quoy ferrer son cheval, et diminuant les payer et les vivres
19estanctz fort augmentez, ce ne sera pas pour les remectre cy
20lequipaige que peult estre seroyt bon quilz feussent, mais pour ma
21part, sy vous nen ordonnez aultrement, je leur en lairay faire
22sellon la volunté du roy, car je seray tous jours de son costé quoy
23quil en soit, monseigneur, de La Paerre, mon cousin, men portera encores
24mieulx vostre resolution. Monsieur le conte de Tende madvertist hier quil
25a advis que le duc de Sexe a apporter nouvelles à Don Jehan d’Austrie
26pour retourner avec son armée en Levant et faire bien la guerre au
27Turc où longuement ilz puissent demeurer, avec toutte ladvantaige
28quilz en scauroyent désirer. Et surce, je fineray avec mes humbles
29recommandations à vostre bonne grace, priant Dieu vous donner
30Monsieur, bonne santé, heureuse et longue vie. De Suze, ce 13e
31daoust 1572
32Jey veu les articles des forces que mavez anvoier avec ce pacquet par
33où je voy quilz se chableullent. Il vous sera bien aise à y respondre. Je
34croy quilz cuydent avoyr melleur accez prez de leurs maiestez quilz
35naront. Mesmes de ce fet là, il vous demeure.
36Jey fet tenyr vostre pacquet de madame de Caseneuve à madame la viquère de Ste
37Claire d’Avignon.
38Vostre plus affecttionné et obeissant
39à vous faire service
40Suze
41